Freedom潛水神器,自助打氣靠手泵!

  • 2016-12-12
  • 3068

小編最鍾意睇Kick Starter,貪佢啲野夠哂天馬行空得黎又好認真咁實行,雖然好多都未必出到世,不過都比大家知道理論上係有可能嘅。

每次去水肺潛水都要安排定租氧氣樽,你話係幾咁唔Freedom,有時去到橋咀游游下水想話去啲潛點潛下唔係唔得,只可以徒手潛一陣咁囉,小編一次閉氣潛係好可憐咁唔夠一分鐘點都要上返黎,除左苦練之外,終於有辦法延長呢個生理關口喇,就係靠今次介紹呢個Mini Dive Pro,佢可能係潛水人士嘅福音!

咁同傳統氧氣樽相比,一個咁細嘅氧氣系統當然有多少分別,最主要就係供氧時間同埋建議潛水深度。傳統氧氣樽閒閒地潛30-45分鐘,理論上支持得到人類去到嘅海水深度; 而Mini Dive Pro就講明只頂到5-10分鐘,同埋限潛三米深,咁講真得10分鐘都無謂落太深啦,唔係做減壓都唔夠時間。最吸引嘅地方係除左買埋個電動壓縮氣泵,其實靠專用手泵都一樣可以打氣入去個Mini Dive Pro,即係話每次潛個七、八分鐘上去泵下氣又潛過,你話係幾咁自由自在,講得上係Freedom潛水神器!


▲基本用法同傳統水肺潛水系統一樣,難唔到有潛水牌嘅朋友。


▲2KG嘅重量,喺水入面完全唔算係一回事。




▲專用手泵 - M3S Hand pump,不過唔知打滿一次要幾耐。

最基本嘅手泵套裝盛惠€649(歐羅),大家有興趣可以入去官網睇睇

更多同類專題



  • 訂閱內容

Top