「八千癲路‧卓奧友峰」第六回: 難度八千只是狂想?

  • 2016-06-13
  • 海外野遊
  • ✸ 高危攀爬
  • ✸ 露營宿營
  • ✸ 長途行程
  • 846



在ABC休整了3天,這天我們就大隊咩野上C1然後瞓一晚再返ABC。這種一上一落的登山方式,是喜瑪拉雅式攀登的特色,因為八千米級的山岳太高太大,路線太長,所需時間和物資極多,所以要用螞蟻搬家方法,由A運送物資食物去B建營再回A拿物資再運去B休一晚再運去C建營再回B再回A。如是者多次來回來回來來回回,上落上落上上落落,以打通登頂之路。另一方面,這種方式也能協助身體習慣移動去較高的營地,減少不良反應。

沿著冰川踏着碎石坡前進,我覺得好攰,其他隊友行得好快,我開始落後大隊,之後天地就只剩下我和陪著我走的協作,我好努力行,雖然慢但我係行到的。

一步一步地堅持地走著,唔知行左幾耐,當時下午3點幾,協作同我講,叫我回頭返abc,話再行下去可能要摸黑夜行有危險。我心諗,8點幾先日落喎,雖心有不甘又傷心,但我都好聽話,跟著他走回頭路返abc。

回到去abc,心情低落,晚上一個人食晚飯,越食越傷心。第一仗就敗北而回,連C1都上唔到,真係好大的挫折。難度八千生涯原是夢,一切只是狂想? 我不是八千夢旅人 只是八千夢裡人?第二天吹起風雪,我亦硬生生強忍失落沮喪,告訢自己過多幾天身體習慣多點會好一點。

隊友由C1回來後,大家照舊無所事事,悶到要搵世藝。

我好幸運借到本書過下日子。

周圍探奇,發現領隊的一大袋不知名藥物,隔鄰地質大學隊的領隊都好悶,過來打下牙胶,玩下器材。

休整了數天,我們再一次出發去C1,今次我雖然都係包尾,但總算叫追到大隊。

終於來到隊友口中,上C1前的最大難關-[麻辣燙],是一個非常巨大和斜的碎石坡,又長又斜又碎又鬆,教你雙腿好難用力,上兩步溜返後一步,令你好似跌落又麻又辣又燙的窩中一樣咁難受,故名[麻辣燙]。個人認為[麻辣燙]這個名有D不倫不類,唔知出自何處。 

上極都見唔到C1,好絶望。個大坡黑黑壓壓如一座萬丈巨壁,有如一舊柯柏文咁大的石頭頂住我個肺,令我呼吸困難,身體仲要好似跌入左黑洞中,腰以下啜實起川貝枇杷膏般的海洋,然後被穿上Ironman 件戰甲的HULK 不停咁用雷神鎚狂抽。


終於,堅持去到C1,食完野即入營瞓,第二天仲要上C2。

----------------------------------------------------- 

相關遊記:「八千癲路‧卓奧友峰」系列


更多同類遊記

    • 2016-01-21

    九徑石陣

    路線: 麥徑>虎峽谷徑>九徑山頂>西棱>麥徑 死士: 獨行俠出陣 路線: 麥徑>虎峽谷徑...

    • 2016-08-15

    輕舟斬竹灣

    難有米人有興,當然要同佢出艇享受下二人獨木舟世界。閒遊下斬竹灣附近既三個好地方;北潭涌,曝罟灣,以及...

    • 2016-02-15

    迷徑追綜

    地點 :馬安山 死士: Dino,Cavin,Koon Yip,Fa,To,Fung 路線:燒烤場>...



  • 關於作者

Dino

  • 訂閱內容

Top