獨木環西貢半島 - 3.赤門海峽

  • 2016-07-11
  • 西貢、清水灣及馬鞍山
  • ✸ 水上活動
  • ✸ 露營宿營
  • ✸ 長途行程
  • 獨木舟
  • 1408


三日既風吹雨打,五十公里既洗禮,旅程終於完成。三日以來,斬竹出發,經過西灣段既洗禮、膽顫心驚既長短咀段最後踏入平靜既赤門海峽,大尾篤順利完成,更完成了獨木生涯既一大突破,係一個唔會忘記既旅程。

終於黎到旅程既最後一日,眨下眼就過,真係未完便掛念。

Route: 灣仔 > 海下 > 赤門海峽 > 往灣仔 > 大尾篤

單日航行距離: 17Km

今日響爆場既灣仔係唔可能瞓得晏喇,七點鬆D再比阿雲整醒埋,咁就一齊醒吧,佢仲煮個靚咖啡飲tim。

尋晚潮退可以行到好出,下次要帶摸蜆組合黎搵食

搬埋D行裝落沙灘,十點半又落水。

岸上所見既一堆營只係冰山一角,今次係我見灣仔最多人既一次。

旅程計劃之中已經確定灣仔至大尾篤一段係輕鬆,唯一疑問只係第一次連續兩日十幾公里之後仲有剩幾多貨仔。

原計劃係響灣仔半島既欄路托艇去到灣仔北面,不過一撐出去已見坳係一個密林,都係保守地一綑灣仔,代價都只係撐多約一公里咁大把,撐就撐吧。



再響另一邊睇下灣仔南營地

前望為黃竹角咀


未到海下,已經見到未用獨木踏足過既大埔水域,望住黃竹角咀,聽講係香港最早既一片土地,好有衝動出一出咀,相信比行山而入爽好多,可惜實太偏離原定計劃,一個來回多撐十公里,mission impossible就無謂多想。

一過棺材角,好快已經見到銀洲同磨洲,以前有plan過黎泳渡,不過隨著獨木既掘起,就冇再plan泳渡了。

遥望海下灣,沙灘都係好靚。阿雲話未黎過,好想登陸一下,結果響冇人和議既情況下pass through了。

緣響海岸公園邊線出擊


海下都有d開放式平台舟撐出來,相信配合浮潛玩法應該唔錯。



死魚一條,相信佢已經死左


原計劃係響灣仔半島既欄路坳托艇去到灣仔北面,不過一撐出去已見坳係一個密林,人都應該爆到,托埋艇就好哩Hea,都係保守地一綑灣仔,代價都只係撐多約一公里咁大把,撐就撐吧。

響郊遊圖睇到既屏障,終於見其真身!

轉入赤門海峽,已經見到馳名屏障,有水警泊響屏障開口,好似係。



難得有野影,大家爭相入鏡

之前諗會唔會只係d浮波,可以漠視直過,原來都係太天真。

近距離同Block合照之後又係時候尋找大休的地方,成個赤門海峽真的直不甩到冇朋友,揾個深少少既海灘仔都難。

一面揾一面欣賞大埔海岸,阿雲就第一時間一摸大埔既岩岸!叻子。

漫長既海峽,成七公里直路,終於響往灣仔揾到一個稍為平靜既沙石灘,可以大休喇,連日曝曬令我同阿雲既面同手都受到唔同程度既曬傷,即刻就補防曬唔好再曬傷,再曬就曬真皮層,痛死。小芯就好安全,日日都長衫戴帽,下次要效法。

食埋最後一餐乾糧,仲有兩餐既份量,完全唔怕流落荒島。

沿路都係沙石灘,磨爛艇只有響旅程最尾段先可以發生



再落水直爆最後一段路程,全日風平浪靜好happy,望住吐露港,點都諗唔到過左老虎笏開吹西風!

響赤門咁窄既水道,稍大既船都可以攪個大浪出黎。

雖然唔算好大浪,不過全程大大風咁吹住,都好爽ga。愈行愈大浪,耐唔耐仲有一兩個浪會打到起浪花。

呢段浪都玩左幾耐,望住船灣副壩已經好耐,攪左成個鐘先到,真係夠哂皮。



呢個船灣Angle正呀,對以西貢為基地既雷sir門生真係機會難逢

到底吐露港d風響邊度吹入黎???

轉入船灣主壩,見時間尚早,未到約好既四點鐘,就有理冇理又求其登陸享受一下大埔既海岸線。



求其登陸,只為延遲玩完既時間

去到康文署水上活動中心既範圍,成個海都係windsurf同sailing,大家要好小心,因為好多新手會響內海練野,可能不停跌帆,如果比支7米帆杆打中就可以完成埋人生最後一段旅程。

三點半鐘康文開咪話活動時間已過,成個海既人都響centre航行,都好,起碼方向清晰。說時遲那時快,一邊sailing cap左,另一邊windsurf又跌埋,嘭一聲好正ar。



根據雷老師既指示,講左一大堆野原來只係響燒烤場轉入去,馬路邊爛梯上水,搵arm位已見貨車恭侯。



一托艇已見有人提水可以直接上貨車,傾左幾句原來佢響大尾篤獨開,原來係獨木之友黎ga wr,有時間要一齊獨一獨啦,之後佢仲跟貨車走埋,到底佢既身份係咩到而家都係一個謎。

好過癮呀成隻艇裝住水咁上車,以後一定要多用貨車技。

大尾篤你好好保重,有排都唔見了

度左一陣到底潛唔潛入康文沖涼,諗諗下佢arm arm完活動時間,應該多人到爆,以前試過排半個鐘隊,都係米攪,決定濕身誘惑上巴士出大埔墟。

最最後響迷失於大埔體育館club house級數既沖涼房熱水完成再各散東西。

2011 Apr 25


更多同類遊記



  • 訂閱內容

Top