西港島線

  • 2016-08-25
  • 香港島及鄰近島嶼
  • ✸ 攀越石澗
  • 1357

難得和哥哥有假,去港島西部閒遊一下。

艱險指數 *
念慈指數 **
庵友:Chyee, Wo

修行路線

*香港仔會合和哥哥,香工隔離入溯下塘坑。下塘坑又名香工坑,西部名澗之一,其澗床闊度可以同青大雙潭等匹敵,可惜水質太差,搞到長年無人問津…澗邊設有水管路一條,可以隨時入澗離澗,十分方便。越過澗口既小瀑,面前既係一大段平流,仲有一大堆惡狗…

*條澗真係闊到離譜,六線行車都無問題。轉兩個彎見到幻彩飛流一道,闊到碧水灘咁款唔在講,瀑壁更加比上游既污染物染成五顏六色,蔚為奇觀,大可以美其名為『塘三彩』,相信夏天大水既時候會好壯觀。

*夠皮,行一段澗行一段山路算。到水塘,行上少少沿引水道西行。

*過薑花澗,進入奇力南麓,見到奇力A坑既飛瀑同埋一個熱褲伯伯,真係唔怕凍死…

*奇力B坑。奇力C坑。

*田灣飛流,半人工半天然,幾特別,但睇個勢真係幾險下,跣一跣係咁先…

*沿崖中既港島徑石級上行,上到頂又接返引水道,向薄扶林水塘方向行,順便睇下人騎馬。

*薄扶林水塘有唔少值得一玩既澗,包括爐峰石澗同西薄坑。

*當然唔少得呢塊大波板。

*閒逛完水塘,接返港島徑上夏力道,即刻變撻行模式…最後西太峽經克頓道落山完成。

更多同類遊記



  • 訂閱內容

Top