橋咀滘西

  • 2016-08-25
  • 西貢、清水灣及馬鞍山
  • ✸ 水上活動
  • 獨木舟
  • 1212

橋咀滘西,中銀中金旅程既不二之選。雖然已經撐到厭,但作為住持,陪庵友們出海考牌,影下佢地吸艇既美態絕對係一件賞心樂事…

艱險指數 *
念慈指數 ***
庵友:流勤文鴨

修行路線



*風和日麗既一日,冷雷率領鴨仔們大舉出動。由出發既一刻開始,已經預計到呢次航程既遊記會極度撻皮…

*對於幾位庵友學員黎講,終於有機會突破15k既旅程下限,當然充滿期待。但張嘉文同學依然保持佢一貫既作風:未撐夠15納米已經想逃走,而且,每當逃走不成,佢架艇既走勢就會自動變成一個又一個既徐熙媛,將里數翻一個double…=_=



*反方向的鐘,路過白沙群島,好快就黎到橋咀沙堤,一個睇親行山書地理書都會見到既地標。雖然水漲,但架船真係唔係幾夠高,一路同沙堤d石春摩擦住黎行,感覺唔係太良好…



*德勤,眼中只有右邊對岸既白水碗;另一邊廂既教練,眼中應該只有左邊廈門灣上既美眉…有修行過既係唔同d…

*橋咀南端既龍眼黿頭有兩個著名既海洞:象鼻洞同埋倒吊蠟燭,雖然我真係未見過個樣係咁既蠟燭…



*除此之外,仲有d咩達摩洞(non-海洞)同太極洞等等,有興趣可以自己鑑定下。鏡頭一轉已經成功橫渡橋咀滘西之間既水道黎到洞內洞,旁邊就係神仙井南坑澗口。



*小休片刻,一嚐洞頂既甘露。繼續南下,路過人山人海既滘西灣,過門而不入。

*到達滘西水道,堪稱全港最窄既水道,將滘西吊鐘兩個大島分隔於僅僅二三十米之外,雖然水淺到可以連泳渡都慳返,但每當潮水漲退起流既時候,d水流都會急到湍蛙都沖得走…隨意泊好架艇上士多大休食包…



*大休完起錨回程,經夾螺角,雞洲魚排,返回基地,完成15k閒遊。

/後傳

*兩個月後既某日,當香港剛剛比鸚鵡蹂躪完畢,又有德勤海倫等庵友追趕學習進度出海,住持為左照顧同恥笑下學員,只好就範。不幸既係,由於颱風過後既海面依然唔太穩定,所以出艇路線基本上已經鐵定左…唯有安慰下自己,今次由橋咀滘西變成左滘西橋咀,真係好有新鮮感…



*順方向的鐘,過馬路之後沿滘西東岸長驅直進。



*由於沿途無甚景觀,11點幾已經到達滘西水道…大休完繼續上路,向西北至西北偏西移動,時速約5公里,大致趨向龍眼黿頭以南海域。



*象鼻洞。廈門灣。

*返到黎橋咀沙堤,旅程已經完成左七十五巴仙。由於水退,成條沙堤露左出水面,眾人因為太懶唔想撐出外面兜過橋頭,所以寧願抬艇翻越沙堤,真係明智過明智傑…說穿了,其實大家都只係想乘機上岸歇息一下姐。3點左右已經返到基地,德勤正式畢業…=_=

更多同類遊記

    • 2016-05-16

    熱.狗.單車 (南生圍)

    邊園南生路線,吸引左一群邊緣男生…然而,就算幾悠閒既單車活動,去到一眾庵友手上,都只會變成艱險無比既...

    • 2016-05-30

    藍綠色的大潭水塘

    炎炎夏日,行山確實需要一定的體能,為了身邊人著想,這次就選了一條較輕鬆容易,又可以欣賞水塘山色的路線...

    • 2016-01-28

    台灣三十 - 第二部: 墾丁

    會合龍比利單車亂入,墾丁成為旅程中最多既四人同行模式,夏天既KENTING唔駛講都係潛水玩水啦,異國...



  • 訂閱內容

Top