【行山】渣大小馬

  • 2016-09-02
  • 香港島及鄰近島嶼
  • 1248

遊記分類: 香港島及鄰近島嶼
難度分數:
遊記簡介: 渣大石澗,大潭谷地上游之主要源流,源起渣甸山東南麓,流入上塘塘尾。小馬坑,昔日七姊妹水塘主澗,源流甚長,盤繞於小馬山北麓的丘陵地帶,以寬廣平緩的花崗岩澗道聞名。..


除了著名的雙潭崗二澗,柏架山區還躺臥著兩道平易近人的清幽流泉。渣大石澗,大潭谷地上游之主要源流,源起渣甸山東南麓,流入上塘塘尾。小馬坑,昔日七姊妹水塘之主澗,源流甚長,盤繞於小馬山北麓的丘陵地帶,以寬廣平緩的花崗岩澗道聞名。
艱險指數 **
念慈指數 ***
庵友:Tappy, Lynn, Dicken, Chang_hc, CK, Tadpole

修行路線

*十一點柴地起步,經上路入上塘,大熱天時一下子上足二百五實在太唔user-friendly,但勝在夠方便快捷,更重要既係可以慳返程車,留返d銀票一陣落山t模式。





*沿上塘西岸既引水道北行,去到盡頭就係渣大既入澗位。沿澗上溯兩步即刻會見到渣大瀑,瀑底有細小淺潭乙個,一眾庵友完全無視人口密度既問題,一窩蜂飛撲落水。

*三名gay肉男…



*小休一會繼續行程,瀑頂既小坑峽,同樣無甚難度。



*一段石坡流瀑。



露營地點一覽

*澗道收窄入林,上溯多一小段就可以上返馬路。渣大中游尚有河廊秘景可賞,但若果要同大冷水之流比既話簡直係小巫見大巫,放棄吧啦。沿馬路上返陽明山莊,展開烈日登山之途。



*渣巔。



*捷徑登小馬山,接返衛徑下降至小馬山橋左轉入小馬坑上源。



*小馬坑上游為開揚既半人工小河,澗畔築有大路一條,以撻皮見稱既庵友們當然唔會同你踩落澗行。





*沿澗邊大路飛奔落澗,不消幾分鐘已經走畢上游河段,澗道突然變得開闊,眼前既係一幅緊接一幅既大石坡,如此柳暗花明既澗勢就親像大冷水一樣。



*沿石坡澗道輕鬆下降,好快就黎到小馬坑既主瀑潭,一個扇形淺潭,上接十尺小峽瀑一道,瀑頂為一大平台,有巨石兩塊可供飛躍。係時候大休玩水,眾庵友二話不說一齊衝落水玩個不亦樂乎,享受一下呢份難得既閒情逸致,感受一下青春。



*大休兩刻鐘之後繼續落澗,去到自悠亭,亭附近有一個人工小水池,池裡面有好多蝌蚪,十分靚仔。





*玩完蝌蚪就沿澗邊晨運大路出返金督馳馬徑橋位,落埋最後一段小馬坑,順便節省一下兜山路落山既距離。



*落左兩個字就出到澗口既深潭,蝌蚪既戰鞋亦終於比小馬坑絕殺左。離澗後下降水渠邊既斜坡直出賽西湖大廈網球場,可惜最終被困於一道鐵門之內,老龔見狀即刻自告奮勇爬出去幫我地開門,非常好。最後,當然要用嬸布幫鐵門裝飾一番,然後落山t模式,今次真係t模式黎架,四點半都未夠,實屬罕有。

更多同類遊記

    • 2016-02-19

    【行山】港島西灣山

    西灣山 2008年05月26日 艱險指數 念慈指數 庵友:住持,瑤林 修行路線 *不約而同,香港境...

    • 2016-08-19

    人肉纜車

    想上山頂看風景但又覺得只是上山頂很無聊?有體力的話可以試試做人肉纜車!自己行上去吧,引用高登的一句諺...

    • 2016-09-27

    石澳大頭洲上的情人橋

    近這一個星期,天氣都非常好,好得要用「酷熱」來形容,炎炎夏日最好的戶外活動當然是到沙灘曬太陽,石澳是...



  • 訂閱內容

Top