港島短線團~鶴咀

  • 2016-09-27
  • 香港島及鄰近島嶼
  • 1035

遊記分類: 香港島及鄰近島嶼
難度分數:
遊記簡介: 今日突然比人放飛機,係紅磡食完時新漢堡之後就諗起呢個地方未去過,睇下時間許可就買兩枝水就上車,係筲箕灣上左9號巴士黎到入口鶴咀落車。..

今日突然比人放飛機,係紅磡食完時新漢堡之後就諗起呢個地方未去過,睇下時間許可就買兩枝水就上車,係筲箕灣上左9號巴士黎到入口鶴咀落車。

其實呢度係就到落車,部車要突登轉入去迴旋處,所以好易認。

跟住呢條大馬路入去啦!




從地理位置黎講,呢條徑係沿海邊行,所以沿途都有海景睇。

一直跟住大路行唔洗轉入小路,如果入到村會可能有惡狗招待。

沿住去高頻發射站。




去到會寫住閒人免進之類例牌野,唔好行入去,係旁邊條路仔繼續行就得。過左就會搵番條路係右邊繼續行。

呢道有分叉路,我就先上上面燈塔睇先。

行左兩分鐘,就到燈塔。



呢道傳說係觀星勝地,但如果夜晚黎都唔係幾方便,不過我咁唔驚死,可能會再黎觀星。

燈塔旁邊不知明儀器。



燈塔另一邊景色。

去完燈塔,緊係行埋另一邊保護區。




行到落去會有一條化骨龍標本放左係度。

呢道唔知算唔算香港最南點呢?



中間有個海洞可行入去睇。

我又例牌訓左係崖邊。



爬上去海洞上邊企起度又真係有D驚。

留左大約半個鐘就差唔多離開,其實我係三點九先開始行,六點二就出番巴士站,完全適合新手去行。


更多同類遊記



  • 訂閱內容

Top