送一份聖誕禮物給海洋動物 - 後感

  • 2016-12-30
  • 香港島及鄰近島嶼
  • 803

遊記分類: 香港島及鄰近島嶼
難度分數:
遊記簡介: 2016年的平安夜早上,四十五位朋友一齊去南丫島石排灣送禮物~ 天陰陰.大風.感謝天神沒有下雨~..


2016年的平安夜早上,四十五位朋友一齊去南丫島石排灣送禮物~
天陰陰.大風.感謝天神沒有下雨~



*淨灘日期:2016年12月24日

*集合時間:11am

*集合及解散地點:索古灣碼頭


我們先在索古灣一個涼亭做簡單Briefing,較早前在活動專頁有留言希望我們淨灘時不用垃圾膠袋~ 經過留言朋友幫手聯絡後,所有網袋由學生龍舟隊朋友借出
(有興趣可以睇埋佢地報導呀:
http://hk.apple.nextmedia.com/realtime/supplement/20161215/56047246 )





搞乜專員出發前幾日一直都好緊張,怕安排唔妥善招呼唔周全,起點與活動位置有半小時路程 (送禮物路線圖:goo.gl/iNM5JS) 怕有人受傷(驚唔係行開山朋友),又始終未試過今次需要準備一個咁多人既自發活動,幸好有 嶺航戶外歷奇 Rover Adventure 戶外友幫手,帶齊急救包,walkie,營墊(大家放背包就靠佢) ~


搞淨灘係因為打算聖誕前搵啲搞作,但又唔希望鼓吹消費;送聖誕禮物給海洋生物 vs 搞乜東東個名其實好明顯 :) 都唔係啲好正經八百的名字,我哋更想吸引大家目光,感覺到係需要改變D嘢~ 任何人都可以自發淨灘、淨山野、或自發做任何善行。如果只是一般清潔沙灘活動,清潔完畢,然後呢?然後就沒有然後了… 我哋好怕會這樣… 我哋要刺激大家找尋對週遭的感覺~


一大早烏雲密佈,很擔心活動會受天雨影響,搞乜專員已守候在碼頭迎接各位~看著人數越來越多,內心非常激動澎湃~~通常咁既天氣,人數必定會比起按參加人數少好幾成,結果大家都係熱血之人,人數竟比預期更多。


----------------  360°全景 大家準備送禮物 ---------------


今次係搞乜專員 2016 年第四次嚟到石排灣淨灘,垃圾恐怖程度是最嚴重一次><... (可重溫917搞淨灘 全紀錄 : goo.gl/XB02OD ) 一去到眼見沙灘上佈滿家居垃圾… 魚網…膠樽… 發泡膠飄雪情況~



大家都非常積極地走遍沙灘每個角落執走垃圾~




同行者帶著家中水桶來清潔沙灘~ 一桶又一桶來來回回... 執走沙灘上無數膠飲管、即棄餐具、樽蓋… 好多唔應該係海灘出現物體… 好無奈…




未來得及整理執到的垃圾如何分配,不到十分鐘幾位朋友已經拿了滿滿幾大袋垃圾回來集合點…


----------------  360°全景 大家好努力執走沙垃圾中 ---------------


是我估計錯誤… 垃圾量比預期多十幾倍,本來係打算每個類別分別計算約有多少件!?最後發現數量太多,風亦太大,最後只能用磅來秤…呢一次,大家總共清理了沙灘上及岸邊:


約235KG (三十包大大小小垃圾)

.膠飲管 - (估計過千)

.膠樽蓋 - (估計over五百或以上)

.發泡膠 - (飄雪中無限)

.即棄餐具 - (估計過千)

.牙刷

.鞋

.食物包裝袋

.家居用品

.膠水樽

.紙包飲品盒+飲管

.打火機

.光管

.螢光棒

.殺蟲水 及 GAS

.醫療用品



又再次執到醫療用品... 有針頭針筒…



光管唔止呢支,後來仲有破爛燈泡



呢位朋表示十分不滿在沙灘上執到螢光棒




還有一個大車軚,一堆超大的發泡膠,一堆堆魚網和木條… 大家真係要比D掌聲自己,

離開時候水漲大浪,可想象這些垃圾如果大家沒有執走,又會再次回到大海裡… 海洋動物又可能誤吃而危害生命了…



可能大家都覺得執得唔夠喉,但當然太大風又冷,加上水漲,我們都擔心會有危險,還是決定短短的行程,今天大家還累嗎?


在大家努力去執走沙灘上垃圾時,我周圍拍片走到去盡頭,見到條河,垃圾已經淹沒河面,幾乎看不到有水(或是我也懷疑那是不是水…)臨時加插去凝視垃圾河及做分享~


----------------  360°全景 搞乜專員去到沙灘盡頭 ---------------


當我問大家:「係咪執到好多牙刷?」「係咪執到好多啫哩仔膠模?」「係咪執到好多鞋底?」「係咪執到好多樽蓋?」



不約而同地好有反應:「有呀係呀!」,每人都執到好多唔應該出現在沙灘上的物品,又有同行者話:「真係唔知點解可以咁多飲管… 」亦有同行者話:「新聞有講係大陸傾倒垃圾,我有特別觀察,其實係一半半,我哋都要諗番自己責任!」亦都有執到醫療用品包括針頭…

在看著大家企喺條石橋,後面係充滿垃圾發泡膠污水的河流,我和朋友們係極之心痛…



見到大家面色有點難受… 講講吓也有個膠樽飄過…相信大家透過親身體會和了解,明白膠垃圾問題嘅嚴重性往往比想象中多億萬倍~ 大家的當下的感受,很可能便是回到日常的醒覺~





還記其中一位朋友講:「係大自然到執到朵膠花,我覺好瘋刺」


搞乜專員有見到大家在IG分享今次經歷,我也深深明白大家以往只是看不見,所以才想帶大家親身去看問題的嚴重性,希望大家分享出去令更多人知道~ 超級期待大家分享回到日常嘅減塑行動,大家的行動力是我們收到的最大聖誕禮物,再次感謝各位喇~新年快樂~ 下次搞乜專員要參加大家的自發活動喔~


>>>>>>>>> 有時間可 click 入呢度goo.gl/sduqrb 睇返今日淨灘的同行者們的感想  >>>>>>>>



【自發活動】送一份聖誕禮物給海洋動物 - 活動專頁:goo.gl/sduqrb




最後約235KG連同大大小小垃圾放在索古灣榕樹下公厠,已電郵1823處理。


【前‧後】沙灘上不應該出現五顏六色~

大家努力個多小時的成果,海洋動物多謝大家!

搞乜專員真的好感動~~~~仲有原來在分享環節當中,好多朋友也是第一次做淨灘,這是我最感動位,相信經過呢次自發活動了解到自身既責任,並且人人都可以係行動者,平日每一次減塑行動已經潛而默化咁影響身邊人,好期待下一次能夠參與大家搞既自發行動~~





好感謝四十多個充滿行動力的你 ~


好感謝01新聞記者和攝影師的記錄、報導也來一起淨灘~  最感謝是身邊一班好幫手老友和嶺航戶外歷奇Rover Adventure


【自發淨灘】 最心痛係聽到呢句:「垃圾係唔會執得哂,千祈唔好俾壓力自己呀!」 多謝你哋為海洋送上一份聖誕禮物。

http://www.hk01.com/社區〡全文:http://bit.ly/2hvJnfq


偶然地在QC館fb發現一篇 海漂垃圾報導,入面有幅照片同我哋拎住呢堆巨型發泡膠一樣 (係來自國內定置漁網浮球… )


回想番由一開始膽粗粗開event page, 到有朋友提意用網袋,@01 看著按參加數目增加,中間不斷收到詢問又有朋友們訊息話來,回看報導真好感動~


腦子仲有好多想搞的東東,超快要展望2017了,再搞淨灘?上山執垃圾?你哋又有無嘢想一齊搞?嚟緊希望再見到你~


#減塑是這個時代每個人的責任

#凝視垃圾河

#感謝各位送禮物的人

#感謝聯絡及借出網袋的人

#感謝分享消息的朋友和記者

#送一份聖誕禮物給海洋動物

#仲有媽咪帶埋小朋友來好感動

#搞乜東東 x #Roveradventure

#南丫島 #石排灣 #搞淨灘


________


地球只得一個,

點可以唔愛惜?

________


本部落格文章由搞乜東東撰寫及管理,歡迎大家轉載,轉載時請標明網址及出處 :)

---------------------

[ 搞乜東東 ] 的合作店家地圖:goo.gl/C2rcep

Like our FB - https://www.facebook.com/gaomadyeah

gaomad_yeah IG - https://www.instagram.com/gaomad_yeah

SubscribeYouTube - https://www.youtube.com/channel/UCmWwhE3d0ZYEGYGYrCwpDbQ


更多同類遊記



  • 關於作者

搞乜東東

  • 訂閱內容

Top