【行山】港島賞維港美景

  • 2017-01-09
  • 香港島及鄰近島嶼
  • 2026

遊記分類: 香港島及鄰近島嶼
難度分數:
遊記簡介: 難得天朗氣清,於是擬定路線欣賞一下維港美景。 此路線由北角開始,先上紅香爐峰,然後一直向南走至渣甸山,落陽明山莊,然後依傳統路徑,經紫羅蘭山、孖崗山,走至赤柱。..


雖然喺香港住左咁多年,但好似從未上山睇過維港。難得天朗氣清,於是擬定路線欣賞一下維港美景。



紅香爐峰係睇維港日落絕佳位置。喺北角落車沿路上寶馬山至聖貞德中學的山徑入口。一落去就要過澗,頗泥濘,唔太好行。然後喺林間穿梭,上走至紅香爐峰。此峰睇維港的確一流,但略嫌角度偏低。




逗留一陣,然後落山沿金督馳馬徑走至畢拉山道。途中比一位大叔搭訕,然後唔知點解就開始一齊行。





冇耐即見一石梯可上走至渣甸山,小徑有危險警告牌,但危險原因不明。沿石梯到達引水道後向右行。引水道景觀都唔錯,唯一可惜喺比高級公務員宿舍擋住視野(皇天擊殺),否則亦係欣賞維港o既一個地點。一直向前走,忽見巨石擋路,即刻睇吓地圖,驚覺已經miss左第一條上山o既路,並且已經喺第二次上山路o既入口處。向上望似有路亦似冇路,於是小心向上爬,不太容易…爬至大石頂,繼續右行一小段,發現原來應該先喺引水道越過大石然後再上攀先係正路。








此小路頗陡峭,但尚算好行。接近山頂處有一平台,視野甚為開闊,應該係呢次行程裏面最好o既欣賞維港地點。



山頂處林木頗密,正欲爆出大路之際,冇留意腳底下有一戰壕,大叔不幸失足墜下,甚為陰濕,好在佢並無大礙。小路出口處正係渣甸山觀景台圍欄,出黎果下唔小心嚇親一倚欄鬼婆認真搞笑。觀景台風景亦係一流,但遠遠不及前述平台開揚。



喺渣甸山頂同大叔揸手分別,我繼續向赤柱進發。極速落到陽明山莊,再上紫羅蘭山。






紫羅蘭山西則有一副峰,嘗試一探,但景色唔太特別。折返紫羅蘭山,再走孖崗山。孖崗山果條永遠都走唔完o既樓梯,我依然記憶猶新,今次再行,雖然體力已經大為改善,但依然痛苦。




越過孖崗山,然後就係一路睇住赤柱美景一路落山。原本仲想去埋睇犀牛石,不過體力有限,都係下次先去。





路徑資訊:

日期:2016年9月16日

全長:12.3公里

時間:6.5小時

上升:983m

難度:初學者不宜、需良好體能

Track Record:https://runkeeper.com/user/knucle/activity/864446039


更多同類遊記



  • 關於作者

knucle

  • 訂閱內容

Top