怒踩阿里山神木單車遊記 ‧ 1 ‧ 嘉義 > 石卓 > 奮起湖

  • 2016-03-16
  • ✸ 單車旅程
  • ✸ 長途行程
  • 單車
  • 1007


男人的浪漫 - 單車三橫一豎的一豎,新中橫+阿里山公路



內心一直有台灣單車旅行的一條刺,上次難得與三子同行單車游走過台灣最美的東海岸,很想再黎一次特別的路線。



今次又有機會可以相約教書先生Sammy sir就復活假二人成行。雖然機票係復活假其間爆貴,但都係難得的一次旅行。比咁多錢,老婆又肯放行,緊係要去獲最甘的是次挑戰台灣單車旅行,三橫一豎的一豎,新中橫 + 阿里山公路



所謂的三橫即是呈東西橫向的台灣三大橫貫公路-北橫、中橫與南橫公路,而一豎則是中橫宜蘭支線、中橫霧社支線、新中橫公路與阿里山公路所串成的南北縱向路線。



路線:



Day 0 高雄機場 > 嘉義火車站 (旅店)

Day 1 嘉義 > 石卓 > 奮起湖 (民宿)

Day 2 奮起湖 > 石卓 > 十字 > 阿里山國家森林遊樂園區 (旅店)

Day 3 阿里山國家森林遊樂園區 > 塔塔加 (行程最高點) > 水里火車站 > 長途巴出台中烏日 > 高鐵 > 高雄 六合夜市晚餐

Day 0 高雄機場 > 嘉義火車站 (旅店)

每次出發前心情有點都有點著緊,好多野擔心,要安頓好家人尼一星期的安排,行程的安排諗好曬未,要帶乜裝備,有無超重,如何打包,回程又點,坐乜車,食乜野……

於plan行程當中由於Sammy sir (下稱森美大哥) 學校正直考試,比較難一齊傾,因此更添自己的憂慮。都係果句,船到橋頭自然直




Call GoGo Van 由家直入機場,由於坐港龍無免費倉位寄單車,所以單車行里重量計到剛剛好20 kg

到達高雄機場下午六時,馬上搵行里寄存用左1200台幣寄存紙盒…… 起碼make sure回程有料打包。(尼下係有點傻,但由於行程時間緊迫關係諗唔到更好)



火車到嘉義已經係晚上十一二點,放低行里就馬上去夜市搵食。意想不到鄉下地方夜市竟然係開通頂






去過夜市食飽飲醉後, 便回酒店整理單車轉做上路mode。



Day 1: 2015年4月5日 嘉義 > 石卓 > 奮起湖 (民宿)







全長55.9km / 爬升海拔1400米 / Elevation gain 2692m

Morning Ride (Ride April 5, 2015) • 6:19:27

Distance  • 55.9km

Elevation • 2,692m







▲終於可以正式起步。開始阿里山單車旅行,取向係想早車晨咁早出發,但由於早一晚太夜瞓 (整車),第二朝都係瞓晏D食個靚早餐先出發







▲由嘉義出發,沿途都還算輕鬆一路平路,還有心情欣賞風景….直至去到「地久天長橋」, 辛苦就開始了









▲一尼上斜走了一段便感中暑, 頭暈作嘔, 都仍然好清楚自己係要食返啲野













▲尼杯叫爬坡累了嗎咖啡





▲台灣的七仔救返不少長途司機的命






▲一路去,由於剛好係當地的清明好多沿路的食店,包捨網上遊記有提及過的小店都關門。捱到差不多下午三點幾四點終於搵到個原住民開的簡陋木棚食店,已經係萬分的感恩,今次有救了。老闆親手遞上熱湯, 當時個人又凍又攰,果下好感動。






填飽個肚就繼續上斜作業,不斷上斜。小插曲係森美大哥架單車出事,鏈攝入後飛輪與輪鋼線之間,喺車來車往的山路旁攪左一輪。難忘,整單車技能加分了



終於捱到石卓已經天黑晚上七點左右,身心乏力,由於石卓到奮起湖係單程第二日要走回頭石卓起步,我提出放棄入奮起湖的念頭留石卓過夜,但森美大哥一句「係米俾左民宿錢先?」,咁又重燃果團火繼續去,大約走多45分鐘左右到達奮起湖,又一次表現自己意志力不足感恩有同伴。轉入奮起湖的路上天越黑,就越擔心,而且要行段10-15分鐘伸手不見五指無路燈的路,心裡開始著急,怕一直如此行會撐不下去,轉下轉下就開始見到有屋的燈火開心就定返曬


到達奮起湖預訂的飯店約晚上八時,網上資料都知道果果度啲食店好早關門,七仔快食又一餐。回到民宿又開始洗衣作業,打個電話回家報平安.....ZZzzzz

是日感謝森美大哥一路同行。森美大哥好fit, 即時走多轉都仲得。我就得返半條命,有中暑感覺



相關遊記: 怒踩阿里山神木單車遊記 ‧ 2 ‧ 奮起湖 > 石卓 > 阿里山國家森林遊樂區

更多同類遊記



  • 訂閱內容

Top